Transcription
1Monsieur, je vous escrivis hier qu'il vous pleust envoyer votre trompete, ou quelque
2autre au Pouzin pour le recouvrement de quelques pacquetz venantz de Rome et de
3la court, qui y ont esté volez et dans lesquelz je me doubte quil y ait
4quelques bulles qui s'addressoyent à ung banquier de ceste ville pour ung
5gentilhomme parent de monsieur de Joyeuse, ensemble quelque bref de
6notre Sainct Père dont je vouldrois entendre la teneur ; mais daultant que
7je me crainctz que le porteur desdites lettres dhier sera trop long temps en
8chemin, je vous ay bien voulu faire ceste recharche pour vous prier de faire tant
9pour moy que denvoyer audit lieu du Pousin votre trompete ou tel autre
10quil vous plaira, pour faire entendre à ceulx qui y sont que ce sont des
11papiers de peu dimportance et desquelz ilz ne peuvent retirer proufit,
12veu que lon a accoustumé de me faire tousiours ung dupplicata des lettres venantz
13d'Ytallie et que les bulles se depescheront encores ung coup sans aucun coust.
14Toutesfois pour ce quil y va du temps et de la longueur, ce me seroit
15ung grand plaisir de les recevoir et donner les estrenes de deux ou trois
16escuz aux soldatz qui les ont volez. A quoy vous suppliant dintervenir
17et de mescrire si vous aurez veu monsieur de Lesca que jenvoyay expressement
18à la court en poste ˄ [ajouté : ˄ qui estoit le VIIe], je me recommanderay bien expressement et de bon cueur à votre bonne grace, en priant Dieu de vous donner,
19monsieur, en bonne santé, heureuse et longue vie. D'Avignon, le XIIIe de
20mars 1574.
21Votre plus affectionné à vous honorer,
22servir et aymer come frère G. Cardinal
23d’Armaignac